Bilete frå dagens tur til Granvin.
Esjalde
Namnet kan ha fleire opphav. Første lekken kjem nok av bergarten esje, ein mjuk ofte glinsande metamorf (omdanna) bergart som er meir synleg lenger oppe. Ein namnegranskar nemnde at alde kan tyda utsiktsplass, eller frukthage. Båe deler kan stemma her. Likevel er det rimeleg å tenkja at alde kan vera avleia av jadle som tyder ei hylle. Altså Esjejadlen. Lenger oppe er det teigar som heiter Jadlen, Rikolsjadlen og Vetlejadlen.
Esjalde har vore, og er, ein kvile- og utsiktsplass. Mange har nytta steinbenken før dei siste kneikane heim. Gamlevegen med Esjaldskleiva var bratt opp hit. Dette partiet vart ifyllt og borte då bilvegen kom i 1965. Fleire gonger på sein heimveg nådde eg på naboen Jarand sitjande på benken i «djupe tankar», med kveikt pipe og tent parafinlykt.
Steinbenken har ei innskrift: 1890 O A T. Dette kan vera meisla inn av sekstenåringen Olav Asbjørnson Tveito.